Azərbaycan, Bakı, 05 yanvar/ Tren d , müxbir E. İsmayılov/ 2009-cu ildə Gürcüstan ərazisində SOCAR-ın brendi altında fəaliyyət göstərən yanacaqdoldurma məntəqələrinin sayı 35 ədəd təşkil edəcək. Bu barədə bazar ertəsi telefonla Trend -a SOCAR Energy Georgia-nın rəhbəri Mahir Məmmədov bildirib.
"Gələn il məntəqələrin sayının 35-dək və bəlkə də daha çox artırılması planlaşdırılır", - deyə Məmmədov bildirib.
Gürcüstanda SOCAR-ın brendi altında 20 yanacaqdoldurma məntəqəsi fəaliyyət göstərir. Məmmədov bildirib ki, bir neçə il ərzində yanacaqdoldurma məntəqələrinin sayı təqribən 60 ədəd təşkil edəcək.
SOCAR Energy Georgia Gürcüstanın neft və neft məhsulları bazarında distribusiya və marketinqlə məşğuldur. Şirkət Gürcüstan bazarında neft məhsulları və qaz satır, yanacaqdoldurma məntəqələri şəbəkəsinə malikdir. SOCAR Georgia-nın həmtəsisçiləri aşağıdakılardır: ARDNŞ - 51 faiz, Petro-Trans FZCO - 32,7 faiz və İvan Çxartişvili - 16,3 faiz.
Məqalə müəllifi ilə əlaqə ünvanı - [email protected]