...

SOCAR şirkəti 2008-ci ildə Bakı-Supsa boru kəməri ilə nəql olunan neftin həcmini açıqlayıb

Energetika Materials 8 Yanvar 2009 12:15 (UTC +04:00)

Azərbaycan, Bakı, 08 yanvar / Trend / SOCAR şirkəti (Azərbaycan Dövlət Neft Şirkəti) 2008-ci ildə Bakı-Supsa qərb boru kəməri marşrutu ilə "Azəri-Çıraq-Günəşli" yataqları blokundan hasil edilən 407,1 min ton həcmində yüngül neft ixrac edib. Bu barədə SOCAR-ın Marketinq və İqtisadi Əməliyyatlar İdarəsinin məlumatında bildirilir. 2007-ci ildə boru kəmərində təmir işlərinin aparılması səbəbindən bu istiqamətdə neft nəql olunmayıb.

Bakı-Supsanın operatoru BP şirkətidir. Bu boru kəməri ilə neft nəqli 2008-ci il noyabrın əvvəlində dayandırılıb.

Boru kəməri 2006-cı ilin sonundan təmirdə olub. 2008-ci ilin ortalarında boru kəmərinə neft vurulmağa başlanıb, lakin gürcü-osetin münaqişəsi səbəbindən bu proses dayandırılıb.

2008-ci ildə dəmir yolu ilə Gürcüstanın Batumi limanı vasitəsilə 2007-ci ilin 221,2 min tonuna nisbətdə "Azəri-Çıraq-Günəşli" yataqları blokundan çıxarılan 326,03 min ton yüngül neft ixrac olunub.

Xəbər lenti

Xəbər lenti