Azərbaycan, Bakı, 20 fevral / Trend / "SOCAR (Azərbaycan Dövlət Neft Şirkəti), şirkətin Ekologiya İdarəsinin nəzdində fəaliyyət göstərən "Tullantılar mərkəzi"nin yenidən qurulması üzrə layihələndirmə işlərinə başlayıb", - şirkətin məlumatında deyilir.
Bu mərkəzin yenidən qurulması çərçivəsində kimyəvi tullantıların saxlanılması, konteynerlər və özüboşaldan qurğuların hazırlanması üçün yeni texnoloji qurğu və yerlərin tikintisi planlaşdırılır.
1985-ci ildən Bakının Qaradağ rayonu ərazisində fəaliyyət göstərən "Tullantılar mərkəzi", qazma şlamı (neft-qaz buruqlarında qazma prosesində yaranan maddə) basdırılmazdan əvvəl onun təhlükəsizləşdirilməsini təmin edir.
