Qazaxıstan, Astana, 26 fevral / Trend , K.Arınova /
"Qazaxıstanın vahid enerji şəbəkəsi Mərkəzi Asiyanın birləşmiş enerji sistemi (BES) ilə bölünmüş iş rejiminə keçib", - bu haqda Trend -ın xüsusi müxbirinə, KİV-lə əlaqələr departamentinin direktoru Мarat Мuhammedsaliyev məlumat verib.
"Sistem operatoru tərəfindən həyata keçirilən bu tədbir, milli istehlakçıların enerji təminatının etibarlılığını və Qazaxıstan Milli Elektrik Şəbəkəsinin (MEŞ) dayanıqlı işini təmin etmək imkanı verəcək", - Мuhammedsaliyev bildirib.
Onun sözlərinə görə, bu ilin fevralından etibarən Mərkəzi Asiya ölkələrində elektrik enerjisinin istehsalı və istehlakı arasında balans pozuqluğu müşahidə olunur. Bu il fevralın 26-na olan duruma əsasən Tacikistan enerji sisteminin ("Barki toçik") plandankənar istehlakı 84 milyon kilovat/saata çatıb.
"Beləliklə, "Qazaxıstanın Şimal-Cənub" tranziti Mərkəzi Asiyanın birləşmiş enerji sistemi ilə paralel iş rejimində maksimal yüklənir (1000-1100 meqavatt) ki, bu da avtomatik güclərin işə düşməsi faktlarının çoxalmasına - sutkada 20-30 dəfə (ilin əvvəlindən 403 dəfə) - gətirib çıxarır. Tranzitdə qəza zamanı Qazaxıstanın cənubu və mərkəz hissəsində istehlakçılar 230 meqavatdan 360 meqavata qədər məhdudiyyətlərə məruz qalıb", - Мuhammedsaliyev bildirib.
Mərkəzi Asiya ölkələri enerji sistemində güc ehtiyatlarının olmaması şəraitində tranzitin bölünməsi tezliyin kaskad azalması və istehlakçıların tam söndürülməsinə gətirib çıxara bilər.
"Neqativ nəticələrdən yayınmaq üçün Qazaxıstan hökuməti tərəfindən sərhədlər üzrə balans mənsubiyyətinin ayrılması ilə Mərkəzi Asiyanın birləşmiş enerji sistemi ilə bölünmüş iş rejiminə vaxtında keçmək məsələsi nəzərdən keçirilib", - Мuhammedsaliyev bildirib.
Məqalə müəllifi ilə əlaqə ünvanı: [email protected]
