Qazaxıstan, Astana, 10 mart / Trend , müxbir K.Arınova /
"KazMunayQaz" və maraqlı tərəflər arasında Qazaxıstan Xəzər Nəql Sistemi (QXNS) üzrə memorandum bu ilin martında imzalanmalıdır", - bu haqda çərşənbə axşamı Astanada jurnalistlərə, KMQ MŞ SC-nin prezidenti Kairgeldi Kabıldin deyin.
"Biz hələ ki, QXNS üzrə maraqlı tərəflərlə (Şimali Xəzər layihəsinin səhmdarları) danışıqlar aparırıq və bu ilin martında memorandum imzalamağı planlaşdırırıq. Hazırda bizim ekspertlər Londonda məşvərət edirlər və onlar qayıdan kimi biz sənədi imzalayacağıq", - Kabıldin bildirib.
SOCAR-la işin hansı durumda olması ilə bağlı suala isə milli şirkətin başçısı belə cavab verib ki, QXNS üzrə azərbaycanlı həmkarlarla bütün lazımi sənədlər imzalanıb.
Enerji naziri Sauat Mınbayev isə QXNS üzrə memorandum haqda sualı cavablandırarkən bu məsələ ilə bağlı maraqlı tərəflərlə fikir ayrılıqlarının olduğunu deyib.
"Fikri ayrılıqları marşrut üzərində nəzarətlə bağlıdır ki, biz də nəzarəti əldən vermək niyyətində deyilik. Kobud desək, orada çoxlu nüanslar var", - Mınbayev bildirib. O bildirib ki, marşrut haqda ümumilikdə danışarkən söhbət Eskene-Kurık boru kəmərindən və Kurıkdan Bakı-Tbilisi-Ceyhan kəmərinə qədər tanker daşımalarından gedir.
Nazir qeyd edib ki, nəzarət deyildikdə, Qazaxıstan hökuməti QXNS üzrə layihədə səhmlərin 51 faizinə sahib olmağı nəzərdə tutur. "51 faiz - bu qeyd-şərtsizdir. Biz 51 faizdən aşağı formal və ya qeyri-formal şəkildə bu marşruta razı olmarıq", - o bildirib.
"Hazırda istənilən böyük layihələrin maliyyələşdirilməsində çətin durum yaranıb. Ona görə layihə fəaliyyətə başlayacağı an biz, əvvəlcədən danışılmış qiymətlə 51 faizlik paket hüququna malik olmalıyıq. Bu, qeyd-şərtsiz olmalıdır", - nazir əlavə edib.
Məqalə müəllifi ilə əlaqə ünvanı: [email protected]