Azərbaycan, Bakı , 14 mart / Trend , müxbir A.Bədəlova /
OPEK dünyanın neftə təlabat artımı proqnozlarını sutkada 0,4 mln. barel azaldıb. Kartelin neft bazarı üzrə mart məruzəsində bildirilir ki, azaltma ÜDM üzrə dünya artımının bu yaxınlarda yenidən qiymətləndirilməsinə əsaslanır. OPEK-in yeni proqnozlarına əsasən, 2009-cu ildə dünyanın neftə təlabatı 1,01 mln. barel azalaraq 2008-ci ilin 85,62 mln.barelinə nisbətdə sutkada 84,61 mln. barelə çatacaq.
İqtisadi Əməkdaşlıq və İnkişaf Təşkilatı ölkələrinin tələbatlarının payına (İƏİT) sutkada 46,25 mln. barel, keçmiş Sovet İttifaqı ölkələrinin payına isə 4,13 mln. barel, Şimali Amerikanın payına isə sutkada 23,75 mln. barel düşəcək.
OPEK-in qiymətləndirməsinə əsasən, 2009-cu ilin fevral ayında dünya neft tədarükləri əvvəlki ay ilə müqayisədə sutkada 0,7 mln. barel azalıb və 83,47 mln. barel təşkil edib.
OPEK-ə daxil olmayan ölkələrin neft tədarükləri həcmi, kartelin proqnozlarına görə, 2009-cu ildə sutkada 50,7 mln. barel təşkil edəcək ki, bu da 2008-ci illə müqayisədə 0,37 mln. barel çoxdur.
Keçmiş Sovet İttifaqı ölkələri bu il sutkada 12,62 mln. barel neft tədarük edəcəklər ki, bu da ötən il qeydə alınan həcmdən sutkada 0,06 mln. barel çoxdur.
Məqalə müəllifi ilə əlaqə ünvanı: [email protected]
