Gürcüstanda GIOGIE-2009 "Neft, qaz, energetika və infrastruktur" konfransı keçiriləcək

Gürcüstan, Tbilisi, 30 mart / Trend , müxbir N.Kirtsxaliya /

GIOGIE-2009 "Neft, qaz, energetika və infrastruktur" beynəlxalq konfransı aprelin 2-3-də Tbilisidə keçiriləcək.

Konfrans Gürcüstan Energetika Nazirliyi və Neft-Qaz korporasiyasının yardımı ilə təşkil olunub. Energetika Nazirliyindən Trend -a verilən məlumata əsasən, tədbirdə müxtəlif ölkələrdən 200-dən artıq nümayəndə iştirak edəcək.

Konfrans səkkizinci dəfə keçirilir və təşkilatçısı Britaniyanın ITE Group PLC  şirkətidir. Nazirlikdən bildiriblər ki, tədbirlə bağlı detallar bir müddət sonra açıqlanacaq.

Yeddinci "Neft, qaz, energetika və infrastruktur" konfransı ötən il Gürcüstan paytaxtında keçirilib. Tədbirdə 15 ölkədən 250 nümayəndə iştirak edib.

Məqalə müəllifi ilə əlaqə ünvanı: [email protected]