Azərbaycan, Bakı, 20 aprel / Trend , müxbir E.İsmayılov /
"SOCAR-ın (Azərbaycan Respublikası Dövlət Neft Şirkəti) Yataqların Modelləşdirilməsi Mərkəzi "Kürsəngi" yatağının şimal hissəsinin geoloji modelinin tikintisinə başlayıb. Bu yatağın operatoru xarici iştiraklı Salyan Oil operator şirkətidir", - bazar ertəsi Mərkəzdə işlərə yaxın mənbə bildirib.
"Yatağın geoloji modelinin və onun strukturunun tikintisi üzrə işlər başlayıb", - mənbə bildirib.
Mənbənin sözlərinə görə, yatağın geoloji strukturunun hazırlanmasından sonra Mərkəz sonuncu mərhələyə - buruqlar və hasilatın həcmi haqqında məlumatların dəqiqləşdirilməsinə başlayacaq. Nəticədə Mərkəz perspektiv qazma və yatağın işlənməsi planını təqdim edəcək.
Mərkəz və Salyan Oil şirkəti ilə müqavilə görülən işlərin nəticələrinin bu ilin sonuna qədər təqdim olunmasını nəzərdə tutur.
Bir müddət əvvəl, Mərkəz "Kürsəngi" yatağının cənub hissəsinin modelləşdirilməsi üzrə işləri başa çatdırıb. Modelləşdirmə Mərkəzi yeni quyuların qazılma yerləri üzrə öz proqnozunu təqdim edib. Ümumilikdə, müqavilə qeyd olunan ərazidə 80-dən çox quyu qazılacaq. Yatağın ehtiyatlarının həddindən artıq qiymətləndirilməsi ilkin proqnozlaşdırılmış məlumatlardan kiçik fərqlə müəyyən olub. Onlar 18 milyon ton həcmində göstərilmişdi.
"Kürsəngi-Qarabağlı" müqavilə ərazisini işlədən Salyan Oil şirkəti 2009-cu ildə yataqlarda dörd istismar quyusu qazmaq fikrindədir.
Yataq Bakının 150 km cənubunda olan Salyan rayonunda yerləşir. Dövlət Neft Şirkətinin mütəxəssislərinin fikrincə, müqavilə ərazisində neft ehtiyatları 152 milyon ton təşkil edir.
"Kürsəngi-Qarabağlı" quru yatağının işlənməsi müqaviləsinin müddəti 25 ildir. Layihənin səhmdarları: SOCAR 50 faiz və hərəyə 25 faiz payla iki Çin şirkəti - China National Oil & Gas Exploration and Development Corp. (CNODC) və CNPC (Hong Kong) Ltd. (CNPCHK).
Məqalə müəllifi ilə əlaqə ünvanı: [email protected]
