"Hazırda iki Avropa şirkəti İran qazının Avropaya nəqli üçün 5 tranzit yol üzərində araşdırmalar aparır", - İranın qaz ixracı şirkətinin direktoru Seid Rza Kesaizadə deyib. Bu haqda İranın Mehr informasiya agentliyi məlumat verib.
"Hazırda İran qazının Avropaya nəqli üçün "Nabukko", Pars, İraq-Suriya-Avropa kəmərləri və "Nabukko" boru kəmərinin yanından keçən iki digər tranzit yol araşdırılır. Hər beş layihənin araşdırılması davam edir. Hələki, seçim edilməyib", - Kesaizadə deyib.
Onun sözlərinə əsasən, İran öz təbii qazını Avropaya Türkiyə sərhədində təhvil vermək istəyir.
"Boru kəmərinin təhlükəsizliyi ixrac edən ölkə kimi bizim üçün mühüm olsa da, kəmərin inşası və təhlükəsizliyinin təminatı alıcı ölkələrin üzərinə düşür", - Kesaizade vurğulayıb.