Azərbaycan, Bakı, 25 iyun / Trend , müxbir E.İsmayılov /
"Mayda Bakı-Tbilisi-Ceyhan (ВТС) boru kəməri ilə Türkiyə ərazisindən 25,7 milyon barel neft nəql edilib. Apreldə bu rəqəm təxminən 23 milyon barel olub", - Türkiyənin "Botaş" dövlət boru kəməri şirkətinin rəsmi saytında yerləşdirilən məlumatında deyilir. Yanvar-may ayları ərzində Türkiyə ərazisindən ВТС ilə təxminən 113,7 milyon barel neft nəql olunub.
2008-ci ildə Türkiyə ərazisindən ВТС ilə 264 milyon barel neft nəql olunmuşdu.
ВТС neft kəməri ilə əsasən Azərbaycanın Azeri Light markalı yüngül nefti və kiçik həcmlərdə Qazaxıstanın "Tengiz" yatağından çıxarılan neft nəql olunur.
Yanvar-may aylarında ВТС ilə Qazaxıstanın "Tengiz" yatağından çıxan təxminən 5,55 milyon barel neft nəql olunub. Ötən ilin analoji dövründə bu rəqəm 4,4 milyon barel olub.
BTC boru kəmərinin ümumi uzunluğu 1768 kilometrdir. Bunun 443 kilometri Azərbaycan, 249 km-i Gürcüstan, 1076 km-i Türkiyə ərazisindən keçir. Boru kəmərinin tikintisi 2003-cü ildə, onun neftlə doldurulması isə 2005-ci il mayın 18-də başlanıb.
BTC Co-nun səhmdarları aşağıdakılardır: BP (30,1 faiz); AzBTC (25 faiz); Chevron (8,90 faiz ); Statoil (8,71 faiz ); ТРАО (6,53 faiz ); Eni (5 faiz ); Total (5 faiz ); Itochu (3,40 faiz ); Inpex (2,50 faiz ); ConocoPhillips (2,50 faiz ) və Amerada Hess (2,36 faiz).
Mayda İraq-Türkiyə kəməri ilə Türkiyə ərazisindən təxminən 16 milyon barel neft nəql edilib ki, bu da apreldəki göstəricidən 4 milyon barel çoxdur. Ümumilikdə, yanvar-mayda bu kəmərlə 68,4 milyon barel neft nəql olunub.
Ceyhan-Qırıqqala boru kəməri ilə may ayında Türkiyə ərazisindən təxminən 2,3 milyon barel neft nəql edilib. Apreldə bu rəqəm təxminən 1,74 mln barel olub. Ümumilikdə, yanvar-mayda bu kəmərlə 7,5 milyon barel neft nəql olunub.
Batman-Dördyol boru kəməri ilə may ayında Türkiyə ərazisindən təxminən 1,7 milyon barel neft nəql edilib. Apreldə bu rəqəm təxminən 972 min barel olub. Ümumilikdə yanvar-mayda bu kəmərlə təxminən 5,4 milyon barel neft nəql olunub.
Məqalə müəllifi ilə əlaqə ünvanı: [email protected]