Azərbaycan, Bakı, 03 iyul / Trend , müxbir E.İsmayılov /
SOCAR (Azərbaycan Respublikası Dövlət Neft Şirkəti) və Qazaxıstan milli dövlət şirkəti "KazMunayQaz" (KMQ) Qazaxıstan Xəzər Nəqletmə Sistemi (QXNS) çərçivəsində birgə müəssisə (BM) yaradacaq. Bu barədə cümə günü SOCAR prezidenti Rövnəq Abdullayev bildirib.
"Biz hazırda nəqletmə sistemi üzrə işləyirik, birgə müəssisənin yaradılması barədə qərar qəbul edilib", - deyə Abdullayev bildirib.
Abdullayevin bildirdiyi kimi, yeni BM çərçivəsində layihənin texniki-iqtisai əsasları öyrəniləcək və hazırlanacaq.
"KazMunayQaz"-ın vitse-prezidenti Maksat İdenovun bildirdiyi kimi, ötən ildə KMQ ilə SOCAR arasında QXNS haqqında imzalanan müqaviləyə əsasən hər iki milli şirkətin layihə üzrə payı bərabərdir (50-50-yə). Əvvəlcə tərəflər bildiriblər ki, sadəcə ideya olan layihə 2013-2014-cü illərdə reallaşacaq.
QXNS ilkin mərhələdə 23 milyon ton neft həcminin nəqli imkanını təmin edəcək, sonradan isə neftin həcmi 35-56 milyon tona çatdırılacaq. Layihənin əsas xüsusiyyəti ondan ibarətdir ki, neft Rusiya ərazsindən deyil, Qafqaz ərazisindən dənizlə nəql olunacaq.
Məqalə müəllifi ilə əlaqə ünvanı: [email protected]
