Azərbaycan, Bakı, 15 iyul / Trend /
Birinci yarımildə "Azəriqaz" ASC sisteminə 3,1 milyard kubmetr qaz daxil olub. 2008-ci ilin analoji dövründə bu göstərici 2,8 milyard kubmetr təşkil edib. Bu barədə ARDNŞ-in məlumatında deyilir.
İyun ayında "Azəriqaz" qaz siteminə 497,5 milyon kubmetr qaz daxil olub. Ötən ilin iyun ayında bu göstərici 44 milyon kubmetr təşkil edib.
2008-ci ildə "Azəriqaz" sisteminə 5,8 milyard kubmetr qaz daxil olub. 2007-ci ildə bu göstərici 5,7 milyard kubmetr təşkil edib.
Azərbaycan Prezidenti İlham Əliyevin fərmanı ilə "Azəriqaz" ASC bu aydan etibarən ARDNŞ-in tərkibinə keçirilib.