Azərbaycan, Bakı, 23 iyul / Trend /
"Xəzərin Azərbaycan sektorundakı Azərbaycanın böyük "Şahdəniz" dəniz qaz kondensatı yatağının işlənməsinə təxminən 20 milyard dollar həcmində sərmayə qoyulacaq", - Azərbaycan Prezidenti İlham Əliyev Nazirlər Kabinetinin ilin birinci yarısının sosial-iqtisadi inkişafının yekunları üzrə iclasında deyib. İclas dövlət başçısının sədrliyi altında keçirib.
İlham Əliyev iclasda bildirib ki, hazırda "Şahdəniz" yatağının işlənməsinin ikinci mərhələsinin realizəsinin başlanılması üçün konkret tədbirlər həyata keçirilir.
"Şahdəniz" yatağının işlənilməsinə dair müqavilə 1996-cı il iyunun 4-də imzlanıb. Layihə iştirakçıları bunlardır: BP (operator) -25,5 faiz, Statoil Hydro - 25,5 faiz, NICO - 10 faiz, Total - 10 faiz, LukAgip - 10 faiz, TPAO- 9 faiz, SOCAR - 10 faiz. Bu yataqda ümumi qaz ehtiyatı 1,2 trln. kubmetr həcmində qiymətləndirilir.
Hazırda qaz Cənub Qafqaz qaz kəməri vasitəsilə Gürcüstan və Türkiyəyə nəql olunur. Azərbaycan da bu qazın alıcısı qismində çıxış edir.
Yatağın işlənməsi üzrə birinci mərhələ çərçivəsində ildə 9 mlrd. kubmetr qazın hasil edilməsi nəzərdə tutulub. Bu həcmlər Azərbaycan, Gürcüstan və Türkiyəyə satılacaq. Reallaşdırılmasına 2014-cü ildə başlanacaq ikinci mərhələ çərçivəsində yataqda ümumi hasilat 20 mlrd. kubmetrə çatdırılacaq.
