Azərbaycan, Bakı, 18 avqust / Trend , müxbir E.İsmayılov /
ARDNŞ (Azərbaycan Respublikası Dövlət Neft Şirkəti) bu il "Neft daşları" dəniz yatağında yerləşən iki ərazidə yeni vakuum-nasosların inşasını planlaşdırır. Bu da 65 milyon kubmetr aşağıtəzyiqli səmt qazının əlavə istifadəsinə imkan verəcək. Bu barədə yatağı müstəqil işləyən ARDNŞ-dəki mənbədən məlumat verilib.
"Vakuum-nasoslar iki ərazidə - 1077 və 1005 saylı ərazilərdə quraşdırılacaq ki, bu da səmt qazının istifadə həcmini genişləndirməyə imkan verəcək", - mənbədən deyilib.
Mənbədən bildirildiyi kimi, bu il "Günəşli" dəniz yatağında səmt qazının həcmi 305,2 milyard kubmetr səviyyəsində planlaşdırılır. Yeni kompressor stansiyalarının istismara verilməsi nəticəsində bu qazın hamısı istifadə olunacaq. Stansiyanın bu ilin sonunda istifadəyə verilməsi planlaşdırlır.
"2008-ci ildə bu yataqda istifadə olunmuş qazın həcmi 185 milyon kubmetr təşkil edib", - mənbədən deyilib.
Yeni kompressor stansiyası iki aqreqatdan ibarət olacaq. Hər aqreqatın gücü sutkada iki milyon kubmetrdir. Stansiyanın ümumi gücü sutkada dörd milyon kubmetr qazdır. Stansiyasının inşasını ARDNŞ şəxsi vəsaiti hesabına həyata keçirir. Lazımlı infrastrukturun yaradılmasının və bu layihənin həyata keçirilməsinin dəyəri 150 milyon dollar qiymətləndirilir.
Qaz bu stansiyada sıxılmadan sonra (təzyiqin artırılması) Azərbaycanın qaz emalı zavoduna və ya milli qaz nəqli sisteminə göndəriləcək və abonentlərə veriləcək.
Stansiyanın girişinə qaz 2-2,5 atmosfer təzyiqlə gələcək, 17 atmosfer təzyiqlə çıxacaq. Sonra bu qaz "Neft daşları" yatağındakı 2 saylı kompressor stansiyasına nəql ediləcək və əlavə olaraq 55 atmosferə qədər sıxılacaq. Bundan sonra qaz quruya nəql ediləcək.
"Günəşli"də havaya buraxılan qazın həcmi ildə 150-250 milyon kubmetr arasında dəyişir. "Neft daşları" yatağında bu göstərici təxminən 150 milyon kubmetrdir.
Məqalə müəllifi ilə əlaqə ünvanı: [email protected]