Azərbaycan, Bakı, 28 avqust / Trend , müxbir V.Javoronkova /
Qazaxıstan öz neftinin nəqli üçün Bakı-Supsa neft kəmərindən istifadədə maraqlıdır. Bu barədə cümə günü mərbuat konfransında Qazaxıstanın Azərbaycandakı səfiri Serik Primetov deyib.
"Bakı-Supsa ilə neft nəqlində çox maraqlıyıq və bu məsələ üzrə danışıqlar aparılır. Bu həyati əhəmiyyətli məsələdir. Bu neft kəməri Xəzər neftini Gürcüstanın Qara dəniz sahillərinə çıxarır", - Primbetov deyib.
Trend -a bir müddət əvvəl Qazaxıstanın Energetika və Mineral Resurslar Nazirliyinin nümayəndələrinin dediyi kimi, Astana Bakıdan sonra (Bakıda başlayan) alternativ marşrutlardan, xüsusən də hazırda Xəzərin Azərbaycan sektorundakı "Azəri-Çıraq-Günəşli" yatağı blokunun işlənməsini həyata keçirən Azərbaycan Beynəlxalq Əməliyyat Şirkətinə (ABƏŞ) məxsus olan Bakı-Supsa neft kəmərindən istifadədə maraqlıdır. Bu neft kəmərinin gücü ildə 7,2 milyon tondur. Hazırda bu neft kəməri ilə "AÇG"dən sutkada təxminən 100 min barel nəql edilir.
Əlavə olaraq, nazirlikdən deyildiyi kimi, Qazaxıstan neftinin Bakı-Supsa ilə daşınması üçün ABƏŞ-lə razılıq alınması, eləcə də sözügedən neft kəməri ilə Qazaxıstan neftinin daşınmasının qarşılıqlı faydalı kommersiya şərtlərinin uyğunlaşdırılması lazım olan şərtlərdir.
Məqalə müəllifi ilə əlaqə ünvanı: [email protected]