Azərbaycan, Bakı, 19 sentyabr / Trend /
ARDNŞ-nin Xəzər Dəniz Neft Donanmasının "Məmməd Süleymanov" elmi-tədqiqat gəmisi "Babək" persperktiv strukturunda geoloji seysmik tədqiqatlar aparmaq məqsədi ilə dənizə çıxıb. Bu struktur hazırda axtarış quyularının qazıldığı "Ümid" perspektiv strukturunun yaxınlığında yerləşir. Perspektiv strukturda ilk dəfə olaraq tədqiqatlar aparılacaq.
Gəminin komandası ilə yanaşı, ARDNŞ-nin Geoloji Axtarışlar və Topoqrafiya İdarəsinin geofizik və geoloqlar qrupu tədqiqatlar aparmaq üçün yollanıb. Qrup perspektiv strukturu hərtərəfli öyrənəcək.
Tədqiqatlar çərçivəsiundə 380 kvadrat kilometr sahədə suyun dərinliyi öyrəniləcək, 430 kv. kilometr ərazidə 700 metrədək dərinliyi olan üst kəsimin seysmoakustik tədqiqatı aparılacaq və 150 kv. kilometr ərazidə dəniz dibinin relyefi skayner olunacaq.
Tədqiqatlar axtarış quyularının qazılması üçün təhlükəsizlik nöqtələrinin müəyyən edilməsi məqsədi ilə aparılır. Təklifə görə, bu strukturda işlər perspektivli üzən qazma qurğularının vasitəsilə həyata keçiriləcək.
