...

Azərbaycan qazın Qazaxıstan ərazisi vasitəsilə Çinə nəqli layihəsinə maraq göstərir – Kabıldin

Energetika Materials 24 Sentyabr 2009 13:16 (UTC +04:00)

Qazaxıstan, Astana, 24 sentyabr / Trend , müxbir K.Konırova, E.İsmayılov /

Azərbaycan qazının Qazaxıstan ərazisindən keçməklə Çinə nəqli Azərbaycan qazının tədarükü üçün alternativ istiqamətdir, cümə axşamı Astanada Qazaxıstanın "QazMunayQaz" milli şirkətinin rəhbəri Kairgəldi Kabıldin deyib.

Ötən həftə Bakıda beynəlxalq qaz konfransı keçirilən zaman ARDNŞ (Azərbaycan Respublikası Dövlət Neft Şirkəti) rəhbəri Rövnəq Abdullayev Kabıldinin ARDNŞ-ə Çinə Qazaxıstan ərazisi vasitəsilə qaz tədarük etməyi təklif etdiyini bildirib.

Kabıldin Azərbaycana təklif edilməsi faktını təsdiqləyib. "Azərbaycan sözügedən layihəyə maraq göstərdi (...). Bu gün Xəzər resurslarının şərqdən qərbə tədarükü nəzərdən keçirilirsə, o zaman nəyə görə əks istiqamətdə - qərbdən şərqə tədarük nəzərdən keçirilməsin", - Kabıldin Trend -ın xüsusi müxbirinin sualına cavab verərkən deyib.

Azərbaycanın Qazaxıstan-Çin sistemində iştirakı Azərbaycan qazının Çin istiqamətində tədarükü diversifikasiyası məqsədi güdür. "Əgər indi Azərbaycan qazının Qərb istiqamətində tədarükü üzrə texniki realizə məsələsi nəzərdən keçirilisə, onda əks istiqamətə niyə baxılmasın. Bu layihə sualtı boru kəmərlərinin inşasını nəzərdə tutur, lakin Xəzər dənizinin statusu məsələsi hələ həll edilməyib, sualtı boru kəmərlərinin inşasından söhbət gedə bilməz. Lakin əgər Xəzəryanı ölkələr status barədə razılığa gəlsələr, o zaman bu layihə mümkün olar", - Kabıldin deyib. Onun fikrincə, bu layihə gələcəyin layihəsidir.

"Xəzər resurslarının daşınmasının bütün sistemi Qərbə istiqamətlənib, East-West sistemi işləyir, biz isə West-East tədarük sistemi məsələsini nəzərdən keçirməyi təklif edirik", - Kabıldin deyib.

Qazaxıstan-Çin qaz kəməri bu il dekabrın 16-da buraxılacaq. Bu qaz kəmərinin gücü 40 milyard kubmetr təşkil edəcək.

Kabıldin izah edib ki, əgər sualtı boru kəməri çəkilsə, Azərbaycan Türkmənistan, Özbəkistan, Qazaxıstan və Çini əhatə edən Asian Gaspipline sisteminə qoşula bilər.

Məqalə müəllifi ilə əlaqə ünvanı: [email protected]

Xəbər lenti

Xəbər lenti