Azərbaycan, Bakı, 05 noyabr / Trend , müxbir E.İsmayılov/
İranda Türkiyənin Petkim Neft-Kimya Kompleksinin İranın dövlət şirkəti NPC International ltd (NPCI) ilə birgə inşa edəcəyi Suspoenziya polivinilxloridinin (S-PVC) istehsalı üzrə (plastik pəncərələrin, profil və boruların istehsalı zamanı istifadə olunur) zavodun illik istehsal gücü 300 min ton təşkil edəcək. Bu barədə cümə axşamı Petkim Neft-Kimya Kompleksindən məlumat verilib. ARDNŞ (Azərbaycan Respublikası Dövlət Neft Şirkəti) şirkətin ortağıdır.
Mənbənin sözlərinə görə, Türkiyənin Baş naziri Rəcəb Tayyib Ərdoğanın oktyabrın 28-də İrana səfəri çərçivəsində Petkim və NPCI arasında birgə S-PVC istehsalı zavodunun tikintisini və zavod üçün zəruri xammalın istehsalı üzrə müəssisənin inşasını nəzərdə tutan qarşılıqlı anlaşmaya dair memorandum imzalanıb. Xammal S-PVC istehsalı üzrə zavoda illik gücü 187 min ton olan xlor-qələvi zavodundan və illik gücü 301 min ton olan vinilxlorid monomeri zavodundan daxil olacaq. Hər iki müəssisə bu layihəyə daxildir. Memorandum, həmçinin layihənin texniki iqtisadi əsalandırılmasına (TİƏ) başlanmasını nəzərdə tutur.
"Qarşılıqlı anlaşmaya dair memorandum ilk növbədə TİƏ-nin hazırlanması üçün nəzərdə tutulub. Bu, layihəyə investisiya qoyulub-qoyulmayacağını müəyyənləşdirməyə imkan verəcək", - mənbə deyib.
Onun sözlərinə görə, ilk növbədə hər üç obyektin birgə realizəsi planlaşdırılır. Lakin investisiyanın həcmi barədə yalnız TİƏ-nin hazırlanmasından sonra danışmaq olar.
Daha əvvəl ARDNŞ və Turcas Petrol/Injaz Projects tenderdə qalib gəliblər və 2,04 milyard dollar ödəməklə "Petkim" kimya konserninin səhmlərinin 51 faizinə sahib olublar. Hazırda Türkiyə 70-75 faiz kimyəvi məhsullar idxal edir. ARDNŞ və Turcas Petrol/Injaz Projects-in "Petkim"də olan investisiyası məhsul idxalını 30 faizə salmağa imkan yaradır.
Petkim Petrokimya Holding plastik qablaşdırmalar, parça, yuyucu vasitələr istehsal etməklə Türkiyənin bu növdə məhsul istehsal edən yeganə şirkətidir və istehsal etdiyi məhsulun dörddə bir hissəsini ixrac edir.
Məqalə müəllifi ilə əlaqə ünvanı: [email protected]
