Azərbaycan, Bakı, 19 dekabr / Trend /
Azərbaycan Kopenhagendə keçirilən iqlim dəyişkənliyinə həsr olunmuş sammitdə iştirak edir. Bu barədə ARDNŞ-nin (Azərbaycan Respublikası Dövlət Neft Şirkəti) məlumatında deyilir. Sammitdə Azərbaycanı ARDNŞ-nin Ekologiya İdarəsinin rəhbəri Azər Əliyev təmsil edəcək.
İlk dəfə olaraq iqlim dəyişkənliyi məsələsinə Yaponiya şəhəri Kiotoda toxunulub və nəticədə 1997-ci ildə Kioto Protokolu imzalanıb. Protokol 37 sənaye ölkəsini atmosferə karbon qazının tullantısını azaltmağa çağırır.
ARDNŞ bir neçə il ərzində könüllü olaraq Kioto Protokolunun təmiz inkişaf mexanizmi çərçivəsində bir çox layihələr həyata keçirir.