Gürcüstan, Tbilisi, 14 yanvar / Trend , müxbir N.Kirsxaliya/
Cümə axşamı Batumidə keçiriləcək Enerji konfransı çərçivəsində Azərbaycan və Gürcüstanın Baş nazirlərinin ikitərəfli görüşü olacaq. Bu haqda konfransın təşkilat komitəsindən Trend -a məlumat verilib.
Artur Rəsizadə və Nika Qilauri əsasən "Cənub enerji dəhlizi" çərçivəsindəki əməkldaşlıq məsələlərini gözdən keçirəcəklər.
Tərkibinə 12 rəsmi şəxsin daxil olduğu Azərbaycanın nümayəndə heyəti bu gün Gürcüstana yola düşüb. Bu rəsmi şəxslərin arasında xarici işlər nazirinin müavini, sənaye və enerji naziri, ARDNŞ-ın vitse prezidenti də var. Azərbaycanın nümayəndə heyəti hava limanından Qilauri ilə görüşə yollanacaq.
"Cənub dəhlizi" Avropa İttifaqı üçün prioritet enerji layihələrindən biridir. Bu layihə enerji tədarüklərinin mənbələrini və marşrutlarını diversifikasiyalaşdırmağı və Avropa ölkələrinin enerji təhlükəsizliyini artırmağı nəzərdə tutur. Cənub dəhlzi layihəsinə aiddir: Nabukko qaz kəməri layihəsi, Transadriatik qaz kəməri, Ağ Axın qaz kəməri layihəsi, İTGİ layihəsi (Türkiyə-Yunanıstan-İtaliya qaz kəməri).