Azərbaycan, Bakı, 26 yanvar / Trend , müxbir E.İsmayılov/
2009-cu ildə ARDNŞ (Azərbaycan Respublikası Dövlət Neft Şirkəti) ekoloji layihələrə 50 milyon manat sərf edib. 2010-cu ildə ekoloji layihələrə dair xərclər bu göstəricini ötə bilər. Bu barədə ARDNŞ-nin ekologiya üzrə vitse-prezidenti Muxtar Babayev çərşənbə axşamı keçirilən mətbuat konfransında bildirib.
Vəsaitin böyük əksəriyyəti ekoloji avadanlıqlarının alınması, ARDNŞ müəssisələrinin texnoloji iş rejiminin əvəzlənməsi, çirklənmiş torpaqların və suyun təmizlənməsinə sərf edilib.
ARDNŞ-nin 2008-ci ildə ekoloji layihələr üzrə investisiyası 28,5 milyon manat, 2007-ci ildə isə təxminən 22 milyon manat təşkil edib.