Azərbaycan, Bakı, 24 fevral / Trend /
2010-cu ildə Xəzərin Azərbaycan sektorunda yerləşən "Azeri-Çıraq- Günəşli" yataqları blokunu işləyib hazırlanmasında operator olan BP şirkəti ARDNŞ-ə (Azərbaycan Dövlət Neft Şirkəti) 1,9 milyard kubmetr səmt qazı verməyi planlaşdırır. Bu barədə BP-nin rəsmi hesabatında bildirilib.
2009-cu ildə ARDNŞ-ə planlaşdırılan 1,45 milyard kubmetrə nisbətdə təxminən dörd milyard kubmetr qaz verilib.
BP-nin hesabatına əsasən sutka ərzində ARDNŞ-ə verilən səmt qazının həcmi 2009-cu ildə 10,7 milyon kubmetr təşkil edib.
"Azəri-Çıraq-Günəşli" yataqlar blokunun səhmdarları bunlardır: ВР (operator - 34,1%), Chevron (10,2%), ARDNŞ (10%), INPEX (10%), StatoilHydro (8,6%), ExxonMobil (8%), TRAO (6,8%), Devon (5,6%), ITOCHU (3,9%), Hess (2,7%).
