Azərbaycan, Bakı, 21 aprel /Trend/
ARDNŞ-nin "Azəriqaz" İstehsalat Birliyi "Azərbaycan Respublikası regionlarının 2009-2013-cü illərdə sosial-iqtisadi inkişafi Dövlət Proqramı"na uyğun olaraq Şamaxı rayonunun Pirqulu qəsəbəsinə qaz xəttinin çəkilişinə başlayıb. Bu barədə ARDNŞ-nin çərşənbə günü yayılan məlumatında deyilir.
Tikinti işlərinə 2010-cu il martın sonlarında start verilib. Qaz xətti polietilen borular vasitəsilə çəkilir. Artıq 15 kilometr uzunluğunda olan qaz kəmərinin 2 kilometrə yaxın hissəsində tikinti işləri başa çatdırılıb.
Qaz xəttinin çəkilişinin cari ilin payız-qış mövsümünə qədər yekunlaşdırılması nəzərdə tutulub. Gələcəkdə Pirqulu qəsəbəsinə yaxın olan digər kəndlər də yeni çəkilən qaz kəməri vasitəsilə mavi yanacaqdan istifadə edə biləcəklər.