Azərbaycan, Bakı, 30 iyun /Trend, müxbir İ.Xəlilova/
Əbu-Dabi İnkişaf Fondunun Direktorlar Şurası Cənub - 800 meqvatlıq istilik elektrik stansiyasının tikintisi layihəsinə 60 milyon dollar ayrılmasını təqdir edib. Bu barədə çərşənbə günü ölkə hökumətindən bildiriblər.
"Hazırda biz kredit sazişi layihəsini almağı gözləyirik", - hökumətdən deyiblər.
Ərəb ölkələrinin fondları bu enerji layihəsinin maliyyələşdirilməsinə böyük maraq göstəririlər. Hazırda OPEC-in Beynəlxalq İnkişaf Fondundan 20 milyon avro məbləğində kreditin alınması təqdir olunub. Həmçinin Küveytin Ərəb İqtisadiyyatının İnkişafı Fondu tərəfindən də maraq göstərilib.
Layihənin ümumi dəyəri 664,1 milyon avro qiymətləndirilir. 2010-cu ildə tikinti işlərinə layihəyə verilən xarici borclardan 117 milyon avronun istiqamətlənməsi planlaşdırılır. Bu günədək 434 milyon avro məbləğində maliyyələşmənin alınması təsdiqlənib.
Layihənin maliyyələşməsinə "Bayerische Landesbank", "Societe Generale" və "Credit Suisse" banklarından 300 milyon avro cəlb edilib. Kredit 10 il müddətinə dövlət zəmanəti əsasında verilib. Bank konsorsiumunun kredit resursları stansiyanın tikintisi ilə bağlı işlərin xərclərinin yarısını ödəyəcək.
İslam İnkişaf Bankı ötən il oktyabrın 20-də 134 milyon avro məbləğində maliyyələşməni təqdir edib. Asiya İnkişaf Bankı xarici kommersiya banklarından malıyyələşməyə cəlb etmək üçün 233,32 milyon avro məbləğində vəsaitin zəmanətli dəstəyini təklif edir.
Cənub stansiyası həm qazla, həm də mazutla işləyəcək.