Azərbaycan, Bakı, 15 iyul /Trend/
Yanvar-iyun aylarında Azərbaycanın daxili bazarlarına 1,7 milyon tondan çox neft məhsulları göndərilib. Bu göstərici ötən ilin yanvar-iyun aylarındakı göstəriciyə uyğundur. Bu barədə Dövlət Statistika Komitəsinin məlumatında deyilir.
Neft məhsullarının ümumi həcmindən 482,4 min ton avtomobil benzininin payına düşüb ki, bu da daxili bazarda ötən ilin analoji dövrünə nisbətən 6,1 faiz artımla ən çox satılan məhsul olub. Azərbaycanın daxili bazarında А-92 markalı benzinin bir tonunun topdansatış qiyməti (təminat xərcləri və ƏDV də daxil olmaqla) 670 AZN, А-95 isə 736 AZN təşkil edir. Komitənin məlumatına görə, yanvar-iyun aylarında Azərbaycanın "Azpetrol" şirkəti realizə üçün təxminən 234,4 min tondan çox, LUKoyl 73,3 min tona yaxın, SOCAR Petroleum isə 89,7 avtomobil benzini alıb.
Yanvar-iyun aylarında daxili bazarda 408,2 min ton dizel yanacağı satılıb ki, bu da ötən ilə nisbətən 15,8 faiz çoxdur. Daxili bazarda 1 ton dizel yanacağının topdansatış qiyməti (təminat xərcləri və ƏDV də daxil olmaqla) 485 AZN təşkil edir. Bu həcmdən "Azpetrol" 100 min tona yaxın, LUKoyl isə 46,1 min tona yaxın dizel yanacağı əldə edib. Dövlət Xəzər Dəniz Gəmiçiliyi təxminən 11 min ton dizel yanacağı alıb. Bu dövrdə SOCAR Petroleum şirkətinə 55,1 min ton dizel yanacağı göndərilib.
Yanvar-iyun aylarında daxili bazarda 99,8 min ton yanacaq mazutu satılıb ki, bu da ötən ilin analoji dövrünə nisbətən 45,3 azdır. Daxili bazarda М-40 mazutunun 1 tonunun topdansatış qiyməti (təminat xərcləri və ƏDV də daxil olmaqla) 100 AZN təşkil edir.
235 min ton aviasiya kerosini satılıb ki, bu da ötən ilin analoji dövrü ilə müqayisədə 44,4 faiz çoxdur. Aviasiya kerosininin 1 tonunun topdansatış qiyməti (təminat xərcləri və ƏDV də daxil olmaqla) 307 AZN təşkil edir.
Yanvar-iyun aylarında 92,7 min ton neft bitumu satılıb. Bu göstərici ötən illə müqayisədə 6,6 faiz azdır. Daxili bazarda BN 60/90 bitumunun 1 tonunun topdansatış qiyməti (təminat xərcləri və ƏDV də daxil olmaqla) 160 AZN təşkil edir.
Yanvar-iyunda daxili bazarda 36,6 min ton maye neft-qaz satılıb. Bu göstərici ötən illə müqayisədə 6,4 faiz azdır.
İlin birinci yarısında daxili bazarda 4,7 min ton yağ satılıb ki, bu da ötən ilə nisbətdə 16,1 faiz azdır.
Neft məhsullarının digər növlərindən daxili bazarda 348,2 min ton satılıb ki, bu da ötən ilin analoji dövrü ilə müqayisədə 18,2 faiz azdır.