Azərbaycan, Bakı, 14 avqust /Trend, müxbir E.İsmayılov/
ARDNŞ (Azərbaycan Dövlət Neft Şirkəti) indiyədək Azərbaycanın yeraltı qaz anbarlarına iki milyard kubmetrdən çox qaz vurub. Bu barədə şənbə günü neft-qaz bazarındakı mənbə məlumat verib.
Hazırda respublikada iki yeraltı qaz anbarı - "Qaradağ" və "Qalmaz" fəaliyyət göstərir. Mənbənin sözlərinə görə, qazın vurulma prosesi hələ davam edir, lakin yeraltı qaz anbarlarına artıq 1,9 milyard kubmetrdən çox qaz vurulub.
"Qazın vurulma prosesi hələ davam edir, lakin qaz anbarına artıq iki milyard kubmetrdən artıq qaz vurulub", - mənbə deyib.
Onun sözlərinə görə, bu il anbarlara əvvəllər planlaşdırılan 3 milyarda qarşı 2,5 milyard kubmetr qaz vurulacaq. Bu, ARDNŞ-in bu il üçün nəzərdə tutulmiuş həcmdə qazvurmanı həyata keçirməyi çatdırmaması ilə əlaqədardır. "Lakin əgər şirkət çatdıra bilsə, onda bu göstəricini 3 milyard kubmetrədək artırmaq olar", - mənbə qeyd edib.
ARDNŞ-in məlumatına görə, keçən il "Qalmaz" yeraltı qaz anbarına 507,7 milyon kubmetr, "Qaradağ" anbarına isə 794,9 milyon kubmetr qaz vurulub.
Payız-qış mövsümündə istifadə etmək üçün Azərbaycanın yeraltı qaz anbarlarına qazın vurulma prosesi oktyabrda başa çatacaq.