Аzərbaycan, Bakı, 30 avqust /Trend/
"Almaniyanın "Wintershall" şirkəti Azərbaycanda öz fəaliyyətini genişləndirmək niyyətindədir", - "Ekol Mühəndislik Xidmətləri" QSC-nin rəhbərliyi ilə görüşdə şirkətin biznesin inkişafı üzrə rəhbəri Helmut Berçelmanın başçılıq etdiyi nümayəndə heyəti bildirib. Bu barədə QSC-dən verilən məlumatda deyilir.
Məlumatda deyildiyi kimi, "Wintershall" rəhbərliyi qeyd edib ki, hər hansı bir neftçıxarma layihəsində iştirak zamanı "Ekol"la əməkdaşlıq da həyata keçiriləcək.
Görüş zamanı hər iki tərəf öz təqdimatlarını nümayiş etdirib, həmçinin, qarşılıqlı müzakirələr aparılıb.
Abşeron yarımadasında mövcud ekoloji problemləri həll etmək üçün 2006-cı ilin martında yaradılmış "Ekol Mühəndislik Xidmətləri" QSC-nin həmtəsisçiləri ARDNŞ (Azərbaycan Dövlət Neft Şirkəti) - 51 faiz və "Lancer S.A Services" şirkətidir - 49 faiz.
