Türkmənistan, Aşqabad, 20 sentyabr /Trend, müxbir H.Nəsənov/
Bazar ertəsi Aşqabadda Türkmənistan-Əfqanıstan-Pakistan-Hindistan (TƏPH) qaz kəməri layihəsinin reallaşdırılması çərçivəsində sahə nazirlərinin rəhbər komitələri səviyyəsində iclas öz işinə başlayıb. Bu barədə Türkmənistandakı rəsmi mənbə məlumat verir.
Buna qədər, son 2 gün ərzində layihə iştirakçısı olan dövlətlərin işçi qruplarının texniki ekspertləri Aşqabadda görüşüblər.
Gündəliyə qaz alqı-satqısı müqaviləsinin çərçivə sazişi layihəsinin hazırlanması, maliyyələşdirmə aspektlərinə baxış və ümumilikdə, layihənn reallaşdırılmasının texniki imkanlarının öyrənilməsi daxildir.
Sazişin dörd dövlət rəhbərinin dekabrda Aşqabadda keçiriləcək görüşü zamanı imzalanması planlaşdırılır.
Bu məsələlərin müzakirəsinə Asiya İnkişaf Bankının (AİB) nümayəndələri cəlb olunublar. Bank bundan əvvəl bu layihənin texniki-iqtisadi əsaslandırılmasını maliyyələşdirib və "Bu enerji layihəsinin Cənubi Asiya ölkələrinin sosial-iqtisadi inkişafının qlobal proseslərində böyük rol oynadığını" qeyd edib.
Müzakirələrdə qaz nəqliyyatı infrastrukturlarının tikintisi üzrə mütəxəssislər, hüquqşünaslar və digər mütəxəssislər də iştirak edirlər.
"İqtisadi səmərəliliyndən başqa, bu layihə Əfqanıstanın və Asiya regionundakı digər ölkələrin xalqlarına qarşılıqlı anlaşma, sabitlik və gələcəyə möhkəm inam gətirəcək", - türkmən ekspertlər belə hesab edirlər.