Azərbaycan, Bakı, 29 oktyabr /Trend/
Yanvar-sentyabr aylarında "Azərenerji" SC-nin enerjipaylayıcı şəbəkələri tərəfindən 4,71 milyard kilovat-saat elektrik enerjisi sərf olunub. Bu barədə cümə günü SC-nin məlumatında deyilir.
Verilən məlumata əsasən, doqquz ay ərzində sərf olunan elektrik enerjisi yığımı 92 faiz təşkil edib ki, bu da ötən ilin göstəricisindən yeddi faiz çoxdur.
Sentyabrda "Azərenerji" SC-nin enerjipaylayıcı şəbəkələri tərəfindən sərf olunan elektrik enerjisi 456,1 milyon kilovat-saat təşkil edib. Sentyabrda istifadə olunmuş elektrik enerjisinə görə ödənişlər 105 faiz təşkil edib ki, bu da ötən ilin analoji dövrünün göstəricisindən 13 faiz çoxdur.
