...

Yanvar-noyabrda Bakı-Tbilisi-Ərzurum kəməri ilə 4,5 milyard kubmetrdən çox qaz ixrac olunub

Energetika Materials 14 Dekabr 2010 16:58 (UTC +04:00)

Azərbaycan, Bakı, 14 dekabr /Trend/

Yanvar-noyabr aylarında Bakı-Tbilisi-Ceyhan (BTC) boru kəməri ilə 35,3 milyon ton neft nəql edilib. Ötən ilin analoji dövründə bu rəqəm 35,2 milyon ton təşkil edib. Bu barədə Dövlət Statistika Komitəsinin çərşənbə axşamı yayılan məlumatında deyilir.

2009-cu ildə BTC ilə ümumilikdə 38,2 milyon ton neft nəql olunub. 2008-ci ildə bu rəqəm 32,8 milyon ton təşkil edib.

BTC neft kəmərinin ümumi uzunluğu 1768 kilometrdir ki, bunun da 443 km-i Azərbaycan, 249 km-i Gürcüstan, 1076 km-i isə Türkiyə ərazisində yerləşir. Boru kəmərinin tikintisinə 2003-cü ilin aprel ayında, onun neftlə doldurulmasına isə 2005-ci il mayın 18-də başlanılıb.

BTC-nin səhmdarları BP (30,1 faiz), AzBTC (25 faiz), "Chevron" ( 8,90 faiz), "Statoil" (8,71 faiz), TPAO (6, 53 faiz), "Eni" (5 faiz), "Total" (5 faiz), "Itochu" (3,40 faiz), "Inpex" (2,50 faiz), "ConocoPhilips" (2,50 faiz) və "Hess" (2,36 faiz) şirkətləridir.

Yanvar-noyabrda Bakı-Tbilisi-Ərzurum qaz kəməri ilə (Cənubi Qafqaz qaz kəməri) 4,6 milyard kubmetr qaz nəql olunub. Ötən ilin müvafiq dövründə bu rəqəm 4,7 milyard kubmetr olub.

2009-cu ildə Bakı-Tbilisi-Ərzurum qaz kəməri ilə 5,2 milyard kubmetr qaz nəql olunub. 2008-ci ildə bu göstərici 4,7 milyard kubmetr təşkil edib.

Hesabat ayı ərzində bu layihə çərçivəsində əsaslı xərclər yeddi milyon dollar təşkil edib. Cari ildə isə 12,7 milyon dollar səviyyəsində proqnozlaşdırılır.

Bakı-Tbilisi-Ərzurum kəmərinin uzunluğu 700 kilometrdən çoxdur. Xəzər dənizinin Azərbaycan sektorundakı "Şahdəniz" qaz-kondensat yatağında hasil olunan qaz bu kəmər vasitəsilə nəql olunur və Gürcüstan vasitəsilə Türkiyəyə daşınır. Azərbaycan da qaz alıcısı kimi iştirak edir.

Xəbər lenti

Xəbər lenti