Azərbaycan, Bakı, 19 aprel /Trend, müxbir A.Bədəlova/
Transadriatik qaz kəməri (TAP) Cənub-Şərqi Avropada Azərbaycanın mövqelərini gücləndirməyə kömək edəcək. Bu barədə çərşənbə axşamı V Beynəlxalq Xəzər neft-qaz, ticarət-nəqliyyat konfransı zamanı TAP layihəsi çərçivəsində qazın saxlanılması üzrə menecer Albert Haak deyib.
"TAP layihəsi Azərbaycanın Balkan yarımadasında və Yunanıstanda mövqelərini gücləndirəcək, eləcə də ölkənin öz qazının ixrac amrşrutlarının şaxələndirilməsi üzrə məqsədlərinə cavab verəcək", - Haak deyib.
Onun sözlərinə görə, TAP layihəsi bir sıra üstünlüklərə malikdir. Onların sırasında çeviklik və kəmərin gücünün ildə 10 milyard kubmetrdən 20 milyard kubmetrədək genişləndirilməsi imkanı var.
Haakın sözlərinə görə, TAP səhmdarlar tərəfindən möhkəm maliyyə dəstəyinə və aşağı kapital xərclərinə malikdir.
Haakın fikrincə, "Cənub qaz dəhlizi"nin bütün layihələri gec-tez həyata keçiriləcək. Məsələ yalnız bunun nə vaxt və hansı qaydada olacağındadır.
Onun sözlərinə görə, TAP layihəsi "Cənub qaz dəhlizi"nin açılışının texniki əsaslandırılmış qərarıdır.
"Qazın əlavə böyük həcmləri olanda digər boru kəmərləri üçün də imkanlar açılacaq", - Haak qeyd edib.
Transadriatik boru kəməri layihəsi Xəzər regionundan Avropa bazarlarına qaz tədarükünü nəzərdə tutur. Transadriatik boru kəməri öz başlanğıcını Yunanıstandan götürəcək, Albaniya ərazisindən və Adriatik dənizindən keçəcək, daha sonra İtaliyayadək uzanacaq. Qaz kəməri Albaniyadan İtaliyaya qədər 120 kilometrlik sualtı sahəyə qoşulub. Qaz kəmərinin tikilməsi üzrə layihənin dəyəri 1,5 milyard dollar təşkil edir. Kəmərin ilkin buraxılış qabiliyyəti ildə 10 milyard kubmetr, maksimum isə 20 milyard kubmetr təşkil edir. TAP-ın uzunluğu 520 kilometrdir.
Ererji tədarükünün mənbə və marştutlarını diversifikasiya edəcək və bununla da Aİ-nin enerji təhlükəsizliyini artıracaq "Cənub dəhlizi" layihəsi Avropa İttifaqı üçün prioritet enerji layihələrindən biridir. "Cənub dəhlizi" layihəsinə aiddir: "Nabukko" qaz kəməri, Transadriatik qaz kəməri (TAP), "Ağ axın", ITGI (Türkiyə-Yunanıstan-İtaliya qaz kəməri).
Konfrans "Confidence Energy" şirkəti tərəfindən Azərbaycan Dövlət Neft Şirkəti ilə birlikdə təşkil olunub.
Trend BİA bu konfransın media dəstəyini həyata keçirir.
