...

ARDNŞ və E.ON yeni müqavilənin imzalanmasının təfərrüatlarını müzakirə edirlər

Energetika Materials 18 İyul 2011 19:25 (UTC +04:00)

Trend-i buradan izləyin

Azərbaycan, Bakı, 18 iyul /Trend, müxbir E.İsmayılov/

ARDNŞ (Azərbaycan Respublikası Dövlət Neft Şirkəti) və Almaniyanın E.ON şirkəti Bakı şəhəri və ona bitişik rayonların paylayıcı qaz sisteminin yenidən qurulması və modernləşdirilməsi layihəsi çərçivəsində müqavilənin imzalanmasına hazırlıq prosedurunu davam etdirirlər. Bu barədə bazar ertəsi Trend-ə ARDNŞ-dəki mənbə məlumat verib.

"Müqavilə hələ imzalanmayıb, lakin hazırlıq işləri davam edir", - mənbə deyib.

Habelə, onun sözlərinə görə, E.ON nümayəndələrinin Azərbaycana növbəti səfərinə hazırlıq gedir.

Mənbə müqavilənin imzalanacağı vaxtı bildirməyib.

Bakının və Abşeron yarımadasının qaz sistemi ölkədə ən iri sistemdir və 650 minə yaxın abonenti əhatə edir. Onun yenidən qurulması və modernləşdirilməsi üçün mövcud infrastrukturun 90 faizi yenilənməlidir.
Layihənin həyata keçirilməsinə 800-900 milyon avro xərclənə bilər.

Xəbər lenti

Xəbər lenti