Azərbaycan, Bakı, 12 sentyabr /Trend, müxbir E.İsmayılov/
"Şahdəniz" yatağının tammiqyaslı işlənməsi üçün sanksiyaların alınması cari ilin noyabrından sonra gözlənilir. Trend-in məlumatına görə, bu barədə bazar ertəsi jurnalistlərə ARDNŞ-nin (Azərbaycan Respublikası Dövlət Neft Şirkəti) yüksək rütbəli nümayəndəsi bildirib.
Onun sözlərinə görə, sentyabrın sonunadək Türkiyənin BOTAŞ dövlət boru kəməri şirkəti ilə danışıqlar prosesinin başa çatması planlaşdırılır. Həmin danışıqların yekunları üzrə Azərbaycan qazının Avropaya nəqli üzrə trazit saziş imzalanacaq.
"Bu, "Şahdəniz" tərəfdaşlarına investisiyalar və gələn il üzrə iş planını müəyyən etməyə imkan verəcək. Noyabrdan sonra layihənin ikinci mərhələsinin işlənməsi üzrə sanksiyaların verilməsi gözlənilir", - ARDNŞ nümayəndəsi deyilir.
Şirkəti nümayəndəsinin sözlərinə görə, Türkiyə tərəfi ilə danışıqların aparılmasında problem yoxdur, lakin müzakirə olunmasını tələb edən kommersiya, eləcə də hüquqi məsələlər var. Türkiyə tərəfinin indiyədək tranzit ölkə kimi çıxış etməməsi səbəbindən bu ölkənin hüquqi-normativ bazasının yeni şərtlərə uyğunlaşdırılması lazımdır.
Türkiyə ilə tranzit sazişinin imzalanması Azərbaycan qazının, habelə "Şahdəniz" qazının Türliyə ərazisindən Avropaya nəqli üçün lazımdır.
"Şahdəniz" yatağının işlənməsinin ikinci mərhələsi çərçivəsində hasil olunan qaza "Cənub qaz dəhlizi" layihəsi üçün əsas mənbə kimi baxılır. "Şahdəniz-2" layihəsi çərçivəsində Azərbaycan Avropaya 10 milyard kubmetr həcmində qaz tədarük etməyi planlaşdırır.
