Azərbaycan, Bakı, 16 noyabr /Trend, müxbir E.İsmayılov/
Yanvar-oktyabrda Bakı elektrik stansiyası tərəfindən 427,4 milyon kilovat-saata yaxın elektrik enerjisi istehsal edilib ki, bu da nəzərdə tutulan göstəricidən təqribən 5,4 milyon kilovat-saat çoxdur. Trend-in məlumatına görə, bu barədə çərşənbə günü "Azərenerji" ASC-nin yaydığı məlumatda deyilir.
Oktyabrda stansiya 46,1 milyon kilovat-saatdan çox elektrik enerjisi istehsal edib ki, bu da proqnozlaşdırıldığından 1,1 milyon kilovat-saat çoxdur.
12 aqreqatdan ibarət olan Bakı elektrik stansiyasının gücü ümumi 105 meqavat təşkil edir.