Azərbaycan, Bakı, 6 dekabr /Trend, müxbir A.Axundov/
ARDNŞ-nin (Azərbaycan Respublikası Dövlət Neft Şirkəti) qeyri-profil aktivlərinin maddi təminatına onların müvafiq nazirliklərə ötürülməsi zamanı 2012-ci ildə Azərbaycan dövlət büdcəsindən əlavə 61 milyon manat ayrılacaq. Trend-in məlumatına görə, bu barədə çərşənbə axşamı Azərbaycanın maliyyə naziri Samir Şərifov Milli Məclisdə 2012-ci il üçün dövlət büdcəsi layihəsinin müzakirəsi zamanı deyib.
"ARDNŞ-nin balansında olan diaqnostik mərkəzlərin, xəstəxanaların, mədəniyyət saraylarının maddi təminatına Səhiyyə və Mədəniyyət və Turizm nazirliklərinə əlavə 61 milyon manatın ayrılması tələb olunur", - Şərifov bildirib.
ARDNŞ prezidenti Rövnəq Abdullayevin əvvəl dediyinə görə, şirkət balansında olan qeyri-profil aktivlərdən qurtulmağa çalışacaq. Xüsusən, bu, Mərkəzi Neftçilər Xəstəxanası kimi müəssisələrə aiddir.