Azərbaycan, Bakı, 16 yanvar /Trend, müxbir E.İsmayılov/
ARDNŞ (Azərbaycan Respublikası Dövlət Neft Şirkəti) ötən illə müqayisədə 2011-ci ildə dövlət büdcəsinə ödənişləri 5,7 faiz artırıb. Trend-in məlumatına görə, bu barədə bazar ertəsi şirkətin yaydığı məlumatda deyilir.
Məlumata əsasən, ARDNŞ dövlət büdcəsinə təxminən 1,34 milyard manat köçürüb ki, bu da 2010-cu ilin yekunları üzrə göstəricidən təxminən 72,35 milyon manat çoxdur.
ARDNŞ-nin ötən ilin dekabrında dövlət büdcəsinə ödənişləri 124,35 milyon manat təşkil edib.
2011-ci ildə ARDNŞ Dövlət Sosial Müdafiə Fonduna təxminən 134,51 milyon manat köçürüb.
Dekabrda bu göstərici təxminən 11,7 milyon manat olub.
Yanvarın 16-na olan rəsmi məzənnə 0,7864 AZN/USD təşkil edir.
