Azərbaycan, Bakı, 27 dekabr /Trend, müxbir E.İsmayılov/
Təmir işləri ilə əlaqədar 27 dekabr saat 09:00-dan 18:00-dək Quba-Xaçmaz qaz kəmərində təbii qaz təchizatı dayandırılacaq. Trend-in məlumatına görə, bu barədə ARDNŞ-nin "Azəriqaz" İstehsalat Birliyinin məlumatında deyilir.
Təmir işləri müddətində Quba şəhərinə təbii qazın verilişində fasilələr yaranacaq.
Təmir işləri ilə əlaqədar olaraq 28 dekabr 2012-ci il tarixdə saat 10:00-dan 18:00-dək "Albalılıq" Qazpaylayıcı Stansiyasından qidalanan Buzovna qəsəbəsinə gedən qaz kəmərində təbii qaz təchizatı dayandırılacaq.
Təmir işləri müddətində Xəzər rayonunun Buzovna qəsəbəsinə və Albalılıq adlanan yaşayış massivinə mavi yanacağın verilişində fasilələr yaranacaq.