Azərbaycan, Bakı, 11 dekabr /Trend/
2014-cü ilin noyabr ayı ərzində ARDNŞ-nin "Azəriqaz" İstehsalat Birliyində əhali sektoru üzrə 7041 yeni abonent qeydiyyata alınıb ki, bunun da 5201-i Bakı, Sumqayıt şəhərlərinin, eləcə də Abşeron rayonunun, 1840-ı isə regionların payına düşüb.
Trend ARDNŞ-nin saytına istinadən məlumat verir ki, cari ilin noyabrında əhali sektoru üzrə 277 386 049 kubmetr həcmində təbii qaz satılıb və qarşılığında 96,3 faiz vəsait toplanıb.
2014-cü ilin yanvar-noyabr ayları ərzində isə əhali sektoru üzrə 103,5 faiz vəsait toplanıbr. Nəticədə bu ilin 11 ayında debitor borc 6,8 faiz azalıb.
1 dekabr 2014-cü il tarixinə olan məlumata görə, əhali sektoru üzrə 120 009 məcburi köçkün ailəsi fasiləsiz təbii qazla təmin olunub, qeyri-əhali sektoru üzrə 266 məscid və dini məbədə təbii qazdan əvəzsiz istifadəsi üçün limit ayrılıb.