Azərbaycan, Bakı, 23 iyun /Trend, müxbir Rufiz Hafizoğlu/
Bakı-Tbilisi-Qars dəmiryolunun tikintisi layihəsi Bakı və Ankara arasında enerji dəhlizini möhkəmləndirəcək. Bu barədə Trend-ə Qars vilayətinin valisi Günay Özdemir deyib.
Onun sözlərinə görə, Bakı-Tbilisi-Qars dəmiryolunun 79 kilometri Türkiyə ərazisindən keçir ki, bunun da 58 kilometri Qars vilayətinin payına düşür.
Vali Bakı-Tbilisi-Qars layihəsinin mühüm cəhətini xüsusilə qeyd edib: "Layihə reallaşdırıldıqdan sonra Avropa və Çindən dəmiryolla fasiləsiz yükdaşımaları qaydaya salmaq olacaq".