...

Pirallahıda yeni neft yığım parkı tikilir (FOTO)

Energetika Materials 9 İyun 2016 13:32 (UTC +04:00)
“Azneft” İstehsalat Birliyinin “Abşeronneft” NQÇİ-yə məxsus köhnə neft yığım parkı yenisi ilə əvəz olunacaq.
Pirallahıda yeni neft yığım parkı tikilir (FOTO)

Trend-i buradan izləyin

Bakı. Trend:

"Azneft" İstehsalat Birliyinin "Abşeronneft" NQÇİ-yə məxsus köhnə neft yığım parkı yenisi ilə əvəz olunacaq.

Trend SOCAR-ın saytına istinadən məlumat verir ki, bu məqsədlə Pirallahı adasının şimal-şərq hissəsində 6,4 hektar torpaq sahəsi ayrılıb, parkın tikinti işlərinə başlanılıb.

"Neftqaztikinti" Tresti tərəfindən tikilən yeni neft yığım parkı texnoloji cəhətdən, ekoloji baxımdan müasirliyi və yüksək standartlara cavab verməsi ilə fərqlənəcək. Parkda 24 ədəd neft çəni quraşdırılacaq, ikimərtəbəli inzibati bina, keçid məntəqəsi, operator və alətlər otağı, yanğın əleyhinə nasosxana binası, ayrılıqda neft və lay suyu üçün nasosxana, yeraltı drenaj bloku, 4 ədəd qaz-su-qum separatoru, hava hazırlayıcı blok, 2 ədəd soba, 6/0.4 kV-luq yarımstansiya binası inşa ediləcək. 24 çəndən 3-ü 3000, 6-sı 2000, 4-ü 1000, 5-i 700, 4-ü 400, 2-si isə 100 kubmetr maye tutumuna malik olacaq.

Yeni parkda əl əməyinin yüngülləşdirilməsi məqsədilə iş prosesi, demək olar, tam avtomatlaşdırılacaq. Əməyin mühafizəsi və texniki təhküləsizlik qaydaları müasir standartlar səviyyəsində olacaq, neftçilər üçün optimal iş şəraiti yaradılacaq, ərazi abadlaşdırılacaq.

Məqalədə:
Xəbər lenti

Xəbər lenti