Bakı. Trend:
Beynəlxalq Enerji Agentliyi (BEA) 2023-cü ildə Azərbaycanda neft hasilatının 2022-ci ildən fərqli olmayaraq gündəlik 0,67 milyon barel təşkil edəcəyini gözləyir.
Trend bu barədə agentliyə istinadən xəbər verir.
Ölkədə rüblük neft hasilatı aşağıdakı kimi proqnozlaşdırılır: birinci rübdə gündəlik 0,65 milyon barel, ikinci rübdə gündəlik 0,66 milyon barel və üçüncü rübdə gündəlik 0,67 milyon barel. Dördüncü rübə dair məlumatlar dərc olunmayıb.
Qeyd edək ki, 2022-ci ilin sonlarındakı vəziyyətə əsasən Azərbaycanda bu il neft hasilatı 32,6 milyon ton (kondensatla birlikdə) təşkil edəcək. Ötən il 26 milyon ton neft ixrac olunub ki, bu da 2021-ci illə müqayisədə 4 faiz və ya təqribən 1,09 milyon ton azdır.
Bütünlükdə bu il Azərbaycanda 33,4 milyon ton hasilatı planlaşdırılır.
Twitter: @Lyaman_Zeyn