Bakı. Trend:
Yunanıstan-Bolqarıstan (IGB) interkonnektor tutumunun genişləndirilməsi üçün bazar sınaq göstəriciləri gözləntiləri üstələyib.
Bunu Trend-ə eksklüziv müsahibəsində ICGB-nin icraçı direktoru Teodora Georgiyeva deyib.
"Biz yayda potensial olaraq IGB tutumunun ildə 3 milyard kubmetrdən 5 milyard kubmetrə qədər genişləndirilməsinə bazar marağının ölçülməsi üçün ötürmə gücün genişləndirilməsi prosesinə başladıq. Bu mərhələ uğurla başa çatdı və deməliyəm ki, nəticələr gözləntilərimizi üstələdi. İnterkonnektorun daha geniş region üçün strateji səviyyədə əhəmiyyəti tez bir zamanda təsdiqləndi. Hazırda biz qonşu ötürmə operatorları ilə prosesin növbəti addımları və boru kəmərinin potensialının genişləndirilməsi üzərində paralel işləyirik”, - deyə o bildirib.
T.Georgiyeva qeyd edib ki, ICGB bu yaxınlarda potensialın genişləndirilməsi prosesinin növbəti mərhələsinə başlayıb ki, bu da layihə təkliflərinin hazırlanması, ardınca ictimai məsləhətləşmələr və yekun layihə təklifinin müvafiq milli tənzimləyici orqanlara təqdim edilməsi daxildir.
"Əlbəttə, bütün prosesin inkişafı və həyata keçirilməsi qonşu əməliyyat ötürülmələri ilə eyni vaxtda əlaqələndirilir - IGB tutumu artarsa, onların şəbəkələri də inkişaf etməlidir", - deyə o bildirib.
Qeyd edək ki, Yunanıstan-Bolqarıstan interkonnektoru 1 oktyabr 2022-ci il tarixindən kommersiya tədarükünə başlayıb.
İnterkonnektorla Bolqarıstana qaz tədarükünün müqavilə həcmi ildə 1 milyard kubmetrdir. IGB-nin ümumi gücü ildə 5 milyard kubmetrədək genişləndirilmə imkanı ilə 3 milyard kubmetrdir.
İnterkonnektorun buraxılış gücünün artırılaraq 5 milyard kubmetri keçməsi əlavə qaz kəməri inşa etmək hesabına mümkündür.
Planlaşdırma mərhələsində boru kəmərinin texniki gücü təqribən ildə 5 milyard kubmetr olaraq hesablanıb və bu hədəfə nail olmaq yaxın gələcək üçün nəzərdə tutulur.
X: @Lyaman_Zeyn