Bakı. Trend:
“Dövlət satınalmaları haqqında” qanuna uyğun olaraq keçirilən tenderdən sonra ICGB şirkəti Bolqarıstan şirkəti ilə Stara-Zaqorada qaz ölçmə məntəqəsinin təfərrüatlı layihələndirməsi üçün müqavilə bağlayıb. Bu da Yunanıstan-Bolqarıstan interkonnektorunun (IGB) tutumunu genişləndirəcək.
Bu barədə Trend-ə şirkətdən bildiriblər.
"ICGB texniki imkanlarını ildə 3 milyard kubmetrdən 5 milyard kubmetrə çatdırmaq üçün Stara-Zaqoradakı qazölçmə məntəqəsini modernləşdirmək niyyətindədir.
Davam edən güc artırılma prosesində növbəti addım olaraq, ICGB şirkəti Bolqarıstanın ötürücü sistem operatoru ilə birlikdə ictimai müzakirə üçün Stara-Zaqorada giriş-çıxış məntəqəsi üçün layihələndirmə təklifini dərc edib. Bütün maraqlı tərəflər 4 mart 2024-cü il tarixinədək öz rəy və təkliflərini bildirməklə iştirak etməyə dəvət olunur. Yunanıstanın təbii qaz nəqli sistemi "DESFA" üçün layihə təklifi də tezliklə dərc olunacaq.
Yunanıstan-Bolqarıstan İnterkonnektoru Bolqarıstanı Cənub Qaz Dəhlizi ilə birləşdirir və Şaquli Qaz Dəhlizinin bir hissəsidir. Boru kəməri yeni, çoxşaxəli mənbələrdən təbii qaza çıxışı təmin etməklə regionda enerji əlaqəsini və təhlükəsizliyi gücləndirir.