Rusiyanın "Transneft" şirkəti Azərbaycan Beynəlxalq Əməliyyat Şirkətinə (ABƏŞ) sentyabr ayında Bakı-Novorossiysk boru kəməri ("şimal" marşrutu) ilə 388 min ton neftin nəql etmək imkanı verib. Bu barədə Trend ə məlumatlı mənbələrdən xəbər verilib. Bu həcm Novorossiyskdən avqust ayında nəql ediləcək.
Mənbələrin sözlərinə görə, hazırda ABƏŞ və "Transneft" sentyabrda həyata keçiriləcək nəql etmənin dəqiq qrafikini razılaşdırır. Bundan başqa, ABƏŞ AR DNŞ-lə gələn ay Dövlət Neft şirkətinin neftinin nəql edilməsinin həcminə dair danışıqlar aparır.
"ABƏŞ Bakı-Tbilisi-Ceyhan boru kəmərinin istismara verilməsinə qədər "şimal" marşrutu ilə neftin nəqlinin həcmini azaltmaq niyyətində deyil. Lakin ABƏŞ tərəfindən AR DNŞ-ə sentyabrda 80 min ton neft nəql etmək imkanı veriləcəyi də istisna olunmur. Hazırda AR DNŞ-lə senytabrda nəql olunacaq neftin həcmi razılaşdırılır", - deyə mənbə bildirib.
Avqustda Novorossiysk limanından 388 min ton azərbaycan nefti yüklənəcək, lakin əvvəllcə 410 min ton neftin nəql olunması gözlənilirdi. Avqustun 29-30-da Novorossiysk limanının N1 körpüsündən 142 min ton, avqustun 7-8, 14-15, 21-22-də isə N2 körpüsündən 82 min ton neft nəql ediləcək.
AR DNŞ artıq tenderdə İsveçrənin Sun Oil şirkətinə hər birində 82 min ton neft olan iki tanker partiyası satıb və bu tankerlərin avqustun 14-15 və 21-22-də göndərilməsi nəzərdə tutulub. AR DNŞ avqustun 29-30-da göndəriləcək 142 min ton neftin satışı üzrə tenderi avqustun 9-da bağlı elan etməyi planlaşdırır.
