Ekologiya və Təbii Sərvətlər nazirliyi Salyan Oil Limited (SOL) əməliyyat şirkətinə qarşı iş üzrə iqtisadi mübahisələrə dair mülki kollegiyanın qərarının ləğvi haqqında Ali Məhkəmənin plenumuna şikayət verib. Bu barədə Trend ə nazirlikdən məlumat verilib.
"Hazırda plenumda sənədə baxılır. Məhkəmə araşdırmasının növbəti gedişi bu instansiyanın qərarından asılı olacaq. Əgər plenum şikayətimizi qəbul etməsə, biz Respublikanın Konstitusiya məhkəməsinə müraciət edəcəyik", - deyə nazirliyin nümayəndəsi qeyd edib.
Ekologiya nazirliyi SOL-dan 58 271 250 manat ($165 308,7) məbləğində cərimə ödənilməsini tələb edir. Tərəflər arasında məhkəmə araşdırmaları 2003-cü ilin oktyabrında başlanıb. SOL "Kürsəngi-Qarabağlı" yatağının işlənib hazırlanması ilə məşğul olur.
