Nazirlər Kabineti Azərbaycan Dövlət Neft Şirkətinin Marketinq və İqtisadi Əməliyyatlar İdarəsinin 2008-ci l yanvarın 1-dən maliyyə hesabatları beynəlxalq standartlarına keçməli olan şirkətlərin siyahısına daxil olması barədə qərar dərc edib.
ARDNŞ-dən Trend ə verilən məlumata görə, bu il beynəlxalq Ernst&Young ARDNŞ-in İdarəsinin MİƏİ-nin kommersiya funksiyalarının analizi və optimallaşdırılmasının ilkin yoxlama balansının keçirilməsi üzrə tenderin qalibi olub.
Qeyd edək ki, ARDNŞ İdarəsi faktiki olaraq, MHBS-a keçən Dövlət Neft Şirkətinin ilk yarımbölmələrindən biridir.
Dövlət Neft Şirkətindən bildirilib ki, 2008-ci il yanvarın 1-dən MHBS-a keçid üçün Ernst&Young 2006-cı ildə İdarənin əsas vəsaitlərinin qiymətləndirilməsinin aparılmasını tövsiyə edib.
ARDNŞ-in nümayəndəsinin sözlərinə görə, hazırda MİƏİ İdarənin əsas vəsaitlərinin qiymətləndiricisi üzrə iki tender elan edib. Sonuncu tender gələn həftə bağlanacaq.
Bu gün MİƏİ ARDNŞ-nin "Azəri-Çıraq-Günəşli" yatağının işlənməsi layihəsi çərçivəsində əldə etdiyi neftin və gəlirli xammal partiyalarının ixracı ilə məşğul olur. Bununla yanaşı, İdarə "Heydər Əliyev adına" NEZ-nun istehsal etdiyi neft məhsullarını ixrac edir. İxrac olunan məhsullar arasında avtomobil benzini, dizel yanacağı, aviasiya kerosini və digərləri var.