Azərbaycan neft-qaz sənayesi və neft-qaz kompleksinin inşası işçilərinin həmkarlar ittifaqları beynəlxalq konfederasiyasıın konqressində iştirak edəcək. Tədbirdə Azərbaycanı neft-qaz sənayesi işçilərinin həmkarlar ittifaqları Respublika Komitəsinin sədri Cahangir Əliyev təmsil edəcək. Onun Trend ə verdiyi məlumata görə, tədbirin yanvarın 21-22-də Moskvada keçirilməsi planlaşdırılır.
C.Əliyevin sözlərinə görə, o, son bir neçə il ərzində komitə tərəfindən həyata keçirilmiş işlər haqqında məruzə ilə çıxış edəcək. Tədbir çərçivəsində komitələr arasında əməkdaşlığın inkişafı məsələləri müzakirə olunacaq.
Komitənin rəhbəri onu da qeyd edib ki, struktur 4 ildə bir dəfə konqress keçirir və Azərbaycan 1992-ci ildən onun üzvüdür.
Konfederasiya 1992-ci ilin martında Təsis Konqressində yaradılıb və 1995-ci ilin dekabrına kimi "Neft-qaz sənayesi və müstəqil dövlətlər quruculuğu işçilərinin peşəkar ittifaqlarının birliyi" adlanıb.
1995-ci ilin dekabrında II Konqress birliyin neft-qaz sənayesi işçilərinin həmkarlar ittifaqlarının beynəlxalq konfederasiyasına çevrilməsi haqqında qərar qəbul edib. Konfederasiyanın sədri Məlik Mirzəyevdir.
Ukrayna, Rusiya, Belorus, Qazaxıstan, Ukrayna, Gürcüstan Azərbaycan və digər dövlətlərin strukturları təşkilatın üzvüdür.