2005-ci il ərzində Azərenerji SC-nin sistemində saatda 22,348 mlrd kVt-dan artıq elektrik enerjisi hasil edilib ki, bu da 2004-cü il göstəricisindən (saatda 21,344 mlrd kVt) 4,7% çoxdur. Bu barədə Trend ə Azərenerjinin mətbuat xidmətindən məlumat verilib. SC-nin mərkəzi dispetçer idarəsinin məlumatına görə, istilik elektrik stansiyasının payına saatda 19,34 mlrd kVt, su elektrik stansiyasının payına isə saatda 3,07 mlrd kVt enerji düşür.
Ötən il elektrik enerjisinin Rusiya (saatda 1005,391 mln kVt), İran (saatda 649,332 mln kVt) və Türkiyə (saatda 401,736 mln kVt) ilə planlı axını davam etdirilmişdir.
2005-ci ilin dekabrında sistemdə saatda 2,29 mlrd kVt-dan artıq enerji hasil edilib. Su elektrik stansiyasının payına saatda 0,32 mlrd kVt, istilik elektrik stansiyalarının payına isə saatda 1,97 mlrd kVt enerji düşüb.
Enerji mübadiləsi nəticəsində ötən il Rusiyadan saatda 1 mlrd 003 mln kVt (2004-cü ildə 1,375 mlrd göstəriciyə qarşı), İrandan saatda 656 mln 635 min kVt, Türkiyədən isə saatda 402 mln 553 kVt elektrik enerjisi alınmışdır.
