Azərbaycan Qazaxıstan, Türkmənistan və Rusiyanın neft sahəsində həyata keçirdiyi işlərdə iştirak etmək üçün hazırda neft layihələrinə cəlb olunmuş infrastrukturdan istifadə imkanlarını nəzərdən keçirir. Bu barədə Trend ə iqtisadi inkişaf nazirinin müavini Mikayıl Cabbarov məlumat verib. Bu, ölkə vətəndaşların iş yerlərinin saxlanmasına imkan verəcək.
Nazirliyin nümayəndəsi qeyd edib ki, infrastruktur Xəzəryanı ölkələrin tələblərinə cavab verən müasir avadanlıqlara malikdir. Lakin yerli infrastrukturdan istifadə etmək üçün xüsusilə qanunvericilik xarakterli bəzi məsələləri həll etmək lazımdır.
Hazırda Azərbaycanda "Azəri-Çıraq-Günəşli", "Şahdəniz" və digər yataqların işlənib-hazırlanması layihələri çərçivəsində fəaliyyət göstərən bir neçə obyekt var.