Şotlandiyanın PSL Energy Services şirkəti BP Explorati üçün Səngəçal terminalında boru kəmərlərinin təmizlənməsi və sazlığının yoxlanılmasını təşkil etmək məqsədilə bu şirkətlə müqavilə bağlayıb. Trend in xəbər verdiyi kimi, bu barədə PSL Energy Services şirkətinin press-relizində deyilir.
$2-3 mln dəyərində olan və 3 il müddətinə bağlanmış müqaviləyə boruların təmizlənməsi üçün 150 ədəd xüsusi qurğuların menecmenti, Səngəçal terminalında, 5 dəniz platformasının sualtı boru kəmərlərində, BTC və Bakı-Supsada bu qurğuların fəaliyyətinin əlaqələndirilməsi daxildir.
Sənəddə qeyd olunur ki, müqavilədə şirkətin ştatına 200 nəfərin daxil olduğu Bakıda xüsusi qurğuların təmiri və bərpası da nəzərdə tutulur.
